愛爾蘭語 (Gaeilge) ê 學習資源

目錄
  1. 歷史
  2. 教學網站、電子冊
  3. 辭典
  4. 語音、方言
  5. 文法
  6. 論壇
  7. 媒體、百科
  8. 線頂冊店
  • 註腳

    • （上新更新佇：2022-02-20）

    雖然進前捌[bat]學愛爾蘭語的[--ê]時，因難度傷過懸，宣告失敗，但猶是提供一寡所知的，學愛爾蘭語的資源予逐家參考。

    因為愛爾蘭人真濟[tsē]袂曉愛爾蘭語，改用英語，所以差不多所有的資源攏是英語的，請各位學習者注意。

    歷史

    愛爾蘭語（叫法有 Gaeilge, Gaolainn 等）是蓋爾[Gael]語的一款，佮[kap]蘇格蘭[Scotland]、曼島[Mann]的蓋爾語攏是對中古愛爾蘭語發展過來的。中古愛爾蘭語演變的近古愛爾蘭語，到近代猶是愛爾蘭以及蘇格蘭蓋爾語書面語的標準（成[sîng]日本話的文語形），閣較早的古愛爾蘭語，是 Britain 群島的一種主要言語。後來隨著英國的長期統治、殖民以及馬鈴薯飢荒，致到這[tsit]言語的衰退[sue-thuè]。

    就算愛爾蘭語使用的人額遠遠較少英語的用者，毋過佇官方猶是得到一定的使用，也有一寡團體推捒[sak]伊的使用。愛爾蘭也有濟濟地名是對愛爾蘭語借過來的。

    小弟也佇遮獻相關文章：

    教學網站、電子冊

    有一寡愛爾蘭語的教學冊，如筆者捌聽過的 Teach Yourself Irish 系列（McGraw-Hill 出版，以芒斯特方言為基本，干涉方言差別以後會講著），但是對東亞的人來講，較方便的學習方法是教學網站，比論 Duolingo.com 提供英語用者學愛爾蘭語的課程。是講愛注意的是，有些句子或字詞的發音可能有重耽[tîng-tânn]，文法也有可能有錯誤，建議看逐題的討論頁了解資訊。也需要利用愛爾蘭語發音的資料庫、字典，甚至是拼寫法，來揣著發音抑是大概的發音方法。

    1961 年 Hodder & Stoughton 出版社出的 Teach Yourself Irish（Myles Dillon 佮 Donncha Ó Cróinín 著）嘛有 PDF 版，也附錄音檔的幾个 zip 檔（下載處），原則上教 Munster 的方言（至少佇發音）。

    辭典

    • Teanglann.ie - 有 Foclóir Gaeilge–Béarla （Ó Dónaill，1977 年，愛英辭典）、English–Irish Dictionary（de Bhaldraithe，1959 年，英愛辭典）、An Foclóir Beag（Ó Dónaill 佮 Ua Maoileoin，1991年，愛爾蘭語小辭典）三本辭典的線頂版，也有文法資料庫、發音資料庫。
    • New English-Irish Dictionary - 愛英辭典，有較新的詞，有的有聲音檔，嘛有智慧型手機仔的 app 版。
    • Téarma.ie - 愛英、英愛術語辭典，佇辭典揣無的詞通佇遮揣。
    • 英語 Wiktionary - 有動詞變化表、有的詞目有語源、音標。
    • Foclóir Scoile - ISBN 9781857911213 - 英愛、愛英雙解（較細本），有核心方言（下跤介紹）的發音方法，雖然可能佮所有的自然方言發音無合，但是通用來參考康諾特方言（？）的重音發音方法。
    • An Irish-English Dictionary（Patrick S. Dinneen，1904年，第一版，蓋爾字體原版、羅馬字體化版的下載網頁）：這包括真濟愛爾蘭語的詞，包含方言用語等。蓋爾字體是古早時常用的字體，毋過現在以羅馬字體為標準。一部份的字，拼法也是古早時的，佮現此時的無仝。
    • 筆者自編華語——愛爾蘭語詞典（稿）

    語音、方言

    佮真濟自然語言仝款[kâng-khuán]，愛爾蘭語有袂少方言。就算有書寫的官方標準，發音腔口到今[tann]無統一。雖然有人推出腔口相濫的核心[hi̍k-sim]方言 (Lárchanúint)，只是毋是標準，一寡發音規則簡化傷過頭，予一寡詞發音無自然。

    這馬[tsit-má]愛爾蘭語有三款活咧的自然方言，若以下的圖所介紹（可能猶有其他方言，若有問題請先進指點）。個人建議先學康諾特的語音佮書面語標準的語法較好，Duolingo 應該也教這[tsit]款發音。

    愛爾蘭語 Gaeilge{自然方言{芒斯特方言 (Munster Irish){南部使用人數上少，保存真濟古語特色次方言{科克 (Cork) 腔Kerry 腔等康諾特方言 (Connacht Irish){西部，南北方言的過渡使用人數上多接近核心方言次方言{阿倫群島 (Aran Islands)腔康尼馬拉 (Connemara)腔梅奧 (Mayo)腔阿爾斯特方言 (Ulster Irish){北部接近蘇格蘭蓋爾語 (Gàidhlig)、曼島語 (Gaelg)次方言{西部阿爾斯特方言：Dongeal 郡猶保存東部阿爾斯特方言：北愛爾蘭，已滅無第二語言方言、人工方言{書面語標準(An Caighdeán Oifigiúil)核心方言（人工口語腔口）(Lárchanúint)愛爾蘭語學校方言 (Gaelscoilish Irish)、都柏林愛爾蘭語 (Dublin Irish)、監獄愛爾蘭語 (Gaoltacht Irish)

    除了辭典以外，以下共一寡語音的資料庫、拼寫參考資料列出來：
    代先列的是：

    因為愛爾蘭語子音非常濟，拼寫規則複雜，需要用國際音標 (IPA) 幫贊發音的學習，建議愛看。

    一般來講，愛爾蘭語子音分作闊子音（軟顎[nńg-go̍k]化，1velarized）佮隘子音（顎化，palatalization），發音的時陣愛注意差別。闊音佇 IPA 無標抑是用「ˠ」表示；隘音一般用「ʲ」表示。母音有中央元音（用佇輕音）/ǝ/，五个相對的長短母音（闊母音：a, o, u；隘母音：e, i 佮 á, ó, ú; é, í），四个雙母音。

    除了辭典有的有音標以外，以下是我所知影的發音資料庫：

    • Teanglann.ie 的發音資料庫
    • Fuaimeanna na Gaeilge - Fuaimeanna na Gaeilge （愛爾蘭語之音，Brian Ó Raghallaigh 著，2014，ISBN 9781907494543）的輔助網站，列出一寡單字的發音檔佮音標。
    • Forvo.com - 共同寫的各地發音辭典，因為是共寫的，發音好䆀[bái]攏有，無真建議使用。

    上後列出文字轉語音 (TTS) 的系統：

    • Abair.ie - 有三種腔口的發音。

    我有整理過可能有錯誤抑是無完整的 Munster 方言拼寫原則：

    文法

    愛爾蘭各地的方言除了有語詞、語音的差別，也有方言的差異。為著方便使用者學習等，官方自頂世紀起推出書面語標準 (An Caighdeán Oifigiúil)。此外，以前捷捷[tsia̍p-tsia̍p]用的蓋爾字體也無使用，改用其他國家用的羅馬體，一寡詞的拼寫也有簡略。

    檢查文法的軟體嘛有：

    媒體、百科

    線頂冊店

    • www.litriocht.ie - 有買過，台灣通用信用卡買
    • www.siopa.ie
      等

      註腳

      1 顎，指喙內裡的頂𦜆[tíng-ham]，就是上腔[tsiūnn-kiunn]，倚喙唇佮正頂面的部份叫硬顎[ngē-go̍k]，倚嚨喉的叫軟顎。